विष्णुप्रसाद देवकोटा
डाेल्पा त्रिपुरासुन्दरी नगरपालिका – ४ मा पर्ने सुँ सामुदायिक बनको आगलागीमा परि ज्यान गुमाएका तीनै जना बालकका परिवारलाई रहात उपलब्ध गराईएकाे छ ।
जिल्ला प्रशासन कार्यालय डाेल्पामा रहेकाे दैवीप्रकोप विपत काेष मार्फत मृतक बालकका परिवारलाई राहत उपलबध गराइएकाे हाे ।
आगलागीमा ज्यान गुमाएका बालक सुलस बुढाकाे परिवारलाई दुईलाख रुपियाँ यसैगरी बिवस बुढा र समन्त बुढाकाे परिवारलाई तीनलाख रुपियाँ राहत वितरण गरिएकाे हाे ।
प्रमुख जिल्ला अधिकारी तुलसी प्रसाद दाहाल र प्रहरी नायव उपरिक्षक हरि कुमार केसी सहितकाे राहत टाेलि मृतकहरुकाे गाउँमै पुगेर वडाअध्यक्ष रन्जित बुढाकाे उपस्थितिमा रहात वितरण गरिएकाे प्रजिअ दाहालले बताए ।
गत चैत महिनाकाे २९ गते बिहीबारका दिन आगलागीमा परेर घाइते भएका रंग गाउँका १० वर्षीय सुलस बुढाकाे उपचारकाे क्रममा जिल्ला अस्पताल दुनैमा, १२ वर्षीय बिवस बुढा र १३ वर्षीय समन्त बुढाकाे उपचारकाे क्रममा काठमाडौंमा मृत्यु भएकाे थियाे ।