मुड्केचुला गाउँपालिकाका विभिन्न बस्तीहरुमा फैलिएकाे रुघाखोकी नियन्त्रणमा आएकाे छ ।
जाडाेमाैसम सकिएर गर्मी माैसम लागेसंगै फैलिएको सिजनल भाइरल रुघाखोकी र ज्वराेले चैतकाे दाेर्साे सातामा सर्मि कालिका नर्कु र हाेर्त लगायतका गाउँमा बालवालिका र बृद्धअबस्थाका मानिसहरु थला परेका थिए ।
बालवालिका र बृद्धअबश्थाका मानिस रुघाखोकी र ज्वराेले प्रभावित बनेपछि गाउँघरमै पुगेर स्वास्थ्य उपचार गरिनुका साथै एक साता सम्म विद्यालय समेत बन्द गरेपछि राेग नियन्त्रणमा आएकाे स्वास्थ्य इन्चार्ज सिनियर अहेव देवबहालुर बुढाले जानकारी दिए ।
सामाजिक सन्जाल फेसबुकमा रुघाखोकी र ज्वराेका विरामीले गाउँ नै थला पर्न थालेकाे खवर सार्वजनिक भएकाे छ नि ? भन्ने प्रश्नमा रुघाखोकी र ज्वराेकाे संक्रमण फैलिएकाे सत्य भएकाे तर समयमै गाउँ घर क्लिनिककाे रुपमा उपचारलाई प्रभावकारी रुपमा संचालन गरिएकाले फाट्टफुट्ट केही ब्यक्तिहरुमा अझै केही लक्षण देखिएपनि नियन्त्रणमा आईसकेकाे प्रमुख इन्चार्ज बुढाले बताए ।
सामाजिक संजालमा अफाहा फैलाइए जस्ताे अवस्था पालिकामा नभएकाे दावि प्रमुख बुढाकाे छ ।स्वास्थ्य ईन्चार्ज बुढाले रुघाखोकी र ज्वराे नियन्त्रणमा आइसकेकाे दावि गरेपनि स्थानीयले भने स्वास्थ्य इन्चार्जले दावि गरेजस्ताे अवस्था नभएकाे बताएका छन ।
जुन पक्षबाट दावि गरिएपनि सर्वसाधारणको सुलभ र प्रभावकारी स्वास्थ्य उपचारकाे लागि स्थानीय सरकारकाे प्रभावकारी भुमिकाकाे खांचाे छ ।